DOMENICA 4° agosto 2024 CABIA 9.00 SANTA MESSA PRESSO IL “IL CRIST DI CJABIE“

“Prejere al Crist di Cjabie

Signôr, nevoròne son stâz i parcès
à fanus meti cheste bièle imagjne
di Te in Cróus propit culi
biel entrànt tâl nestri pais di Cjabie.
Prim di dut par memoreâ e onorâ
chei c’an fat sú il pais
e che cumò a son a polsâ par simpri
sòt tjare in Còdes e dome Tu tu sâs
ce tant che an sfadiât
e las tantes strussies patides
a puartâ dongje clâs, trâs, sfiles, savalon,
cops e planeles par tirâ su un sotet
e dut chest su la schene e cu la miserie
da sclapàle cui cònis.
Dàur la Pâs Signôr ché ca dùre par simpri,
ca se la son meretàde.
Da culi viòut e proviòut encje par nòu vis
chi sin tant biadòns,
no parceche nus màncji alc,
chè anzit i vin ancje masse
e no savìn doprâ,
ma parceche i vin pierdût il savôr de vite
il gust dal vivi ben.
O sin simpri indafarâz a còri come maz
di gnòt, fieste e disdivore,
plens di fanatismocome che nus mancjas
da un moment a chelatri la tjare sòt i pîs
e ogniatichedì sin subissaz
da disgracies d’ogni fate
e no savin plui nè ridi nè gjoldi, nè preâ
e si sin parfin dismenteâz di Te
ma no par tristerie mo Signôr
ma parceche i sin come svuarneâz dal progrès
e da ducj i trabolics di cumò.
O sin te misèrie ma une misèrie volude,
misèrie di ideai ca si pò, vulint, paràle vie.
Fanus cresci la fede che vin ereditât
dai nestris vecjios
insieme dai blecs e da roube,
dànus la fuarce di scombati
e insegninus a vuleisci ben e a vivi.
Dà une man ai fruz e ai zovins
ca passin culi par là a scuele,
dà une man a chei che passin culi
in machine par là a vuadagnâsi da vivi
e faiu tornâ a cjase ogni dì sans e salvs,
dà une man a chei ca lavorin
pai prâz e pai cjamps,
dà une man ai vecjos e ai malaz
che àn tante dibisugne,
dà une man a ducj parceche ducj i sin la tô int.
Sperin che in chel bòssul di granate
ca l’è ai Tiei pîs, no mancj mai une rosute
vie pa stagjon o un biel romazut di peç vie pal invier
a testimoniâ che si ricurdin di Te
che tu seis il paròn di noû e dal mont intîr.